ग्राम सुरक्षा योजना हि पोस्ट ऑफिस सरकारी योजना आहे. या योजनेद्वारे दिवसाला 50 रुपयांची बचत केल्यास मॅच्युरिटीवर मिळतील 35 लाख रुपये. भारतीय पोस्ट ऑफीसने देऊ केलेली ही ग्राम सुरक्षा योजना गुंतवणुकीसाठी चांगला पर्याय आहे. ज्यामध्ये तुम्हाला कमी जोखमीसह चांगला परतावा मिळू शकतो. ग्राम सुरक्षा योजनेंतर्गत, नामनिर्देशित व्यक्तीला 80 वर्षे पूर्ण झाल्यावर किंवा मृत्यू झाल्यास, त्याच्या कायदेशीर वारसाला बोनससह विमा रक्कम दिली जाते.
भारतातील पोस्ट ऑफिस हा अनेक लोकांसाठी फक्त बँकांचा पर्याय नाही, तर आर्थिक सेवांसाठीही तो लोकांचा पसंतीचा पर्याय आहे. कोट्यवधी लोक पोस्ट ऑफिसच्या विमा योजनांच्या विविध बचतीचा लाभ घेतात. याचे कारण म्हणजे पोस्ट ऑफिसमध्ये पैसे गुंतवणे हे जोखीममुक्त मानले जाते. मध्यमवर्गीय भारतीय पोस्टाच्या अशा योजनांना प्राधान्य देतो ज्या सुरक्षित आणि खात्रीशीर रिटर्न देतात. पोस्ट ऑफिसची ग्राम सुरक्षा योजना ही अशीच एक योजना आहे. जर तुम्ही या योजनेसाठी दररोज फक्त 50 रुपये काढले तर तुम्ही स्वत:साठी 35 लाख रुपयांचा रिटर्न सुनिश्चित करू शकता.
रूरल पोस्टल लाईफ इन्श्युरन्स स्कीमचा भाग:- पोस्ट ऑफिसची ग्राम सुरक्षा योजना रूरल पोस्टल लाईफ इन्श्युरन्स स्कीम प्रोग्रामचा एक भाग आहे. इंडिया पोस्ट वेबसाइटवर उपलब्ध माहितीनुसार, ग्रामीण पोस्टल लाइफ इन्शुरन्स पॉलिसी 1995 मध्ये भारतातील ग्रामीण जनतेसाठी सुरू करण्यात आली होती. ग्राम सुरक्षा योजनेबद्दल दिलेल्या माहितीनुसार, जर एखाद्या पात्र व्यक्तीने या योजनेत दरमहा 1,500 रुपये म्हणजेच दररोज फक्त 50 रुपये गुंतवले तर त्याला योजनेच्या मॅच्युरिटीवर 35 लाख रुपयांपर्यंतचा रिटर्न मिळू शकतो.
चार वर्षांनी मिळते कर्ज:- किशोरवयीनांसाठी ही योजना जास्त फायदेशीर आहे. 19 ते 55 वर्षे वयोगटातील कोणीही या योजनेत गुंतवणूक करू शकतो. या योजनेत 10,000 ते 10 लाख रुपये गुंतवले जाऊ शकतात. योजनेचा प्रीमियम मासिक, त्रैमासिक, सहामाही आणि वार्षिक भरू शकता. प्रीमियम भरण्यासाठी 30 दिवसांची सूट मिळेल. या पॉलिसीची खास गोष्ट म्हणजे खरेदी केल्यानंतर 4 वर्षांनी कर्जही घेता येते. या योजनेअंतर्गत, तुम्ही वयाच्या 19 व्या वर्षी 10 लाख रुपयांची ग्राम सुरक्षा योजना खरेदी केल्यास, 55 वर्षांपर्यंत तुम्हाला प्रत्येक महिन्याला 1,515 रुपये प्रीमियम भरावा लागेल. त्याच वेळी, 58 वर्षांसाठी 1,463 रुपये आणि 60 वर्षांसाठी 1,411 रुपये दरमहा जमा करावे लागतील.
पोस्ट ऑफिस योजनेचे हे फायदे:- रिटर्नबद्दल बोलायचे तर गुंतवणूकदाराला 55 वर्षांसाठी 31.60 लाख रुपये, 58 वर्षांसाठी 33.40 लाख रुपये आणि 60 वर्षांसाठी 34.60 लाख रुपये मॅच्युरिटी लाभ मिळेल. ग्राम सुरक्षा योजनेंतर्गत, ही रक्कम व्यक्ती 80 वर्षांची झाल्यावर त्याच्याकडे सुपूर्द केली जाते. दुसरीकडे, जर व्यक्तीचा मृत्यू झाला असेल, तर ही रक्कम त्या व्यक्तीच्या कायदेशीर वारसाकडे जाते. ग्राहक 3 वर्षानंतर पॉलिसी सरेंडर करण्याचा पर्याय निवडू शकतो. मात्र, यामुळे त्याला काही फायदा होणार नाही. पॉलिसीचे सर्वात मोठे वैशिष्ट्य म्हणजे इंडिया पोस्टकडून देण्यात येणारा बोनस आणि अंतिम घोषित बोनस प्रत्येक 1,000 रुपयांसाठी वार्षिक 60 रुपये आहे.