महाराष्ट्र शासनाच्या सार्वजनिक आरोग्य विभागाने सुधारित व अद्ययावत नागरिकांची सनद प्रसिद्ध करण्याबाबत महत्त्वाचे शुद्धीपत्रक जारी केले आहे. ७ फेब्रुवारी २०२६ रोजी मंत्रालय, मुंबई येथून हे आदेश निर्गमित करण्यात आले.
याअंतर्गत पूर्वी जारी करण्यात आलेल्या शासन निर्णयातील काही बाबींमध्ये दुरुस्ती करण्यात आली असून, विशेषतः परिशिष्ट-३ संदर्भातील नोंदी रद्द करण्याचा निर्णय घेण्यात आला आहे. यापूर्वी नमूद केलेल्या दरांऐवजी अद्ययावत तरतुदीनुसार सुधारित नोंदी लागू राहतील, असे स्पष्ट करण्यात आले आहे.
सदर शासन निर्णय महाराष्ट्र शासनाच्या www.maharashtra.gov.in या संकेतस्थळावर उपलब्ध असून, तो डिजिटल स्वाक्षरीने प्रमाणित करण्यात आला आहे.
उपसचिव कैलास ताराचंद साळुंखे यांच्या स्वाक्षरीने हे शुद्धीपत्रक प्रसिद्ध करण्यात आले आहे.
या निर्णयामुळे सार्वजनिक आरोग्य विभागाच्या कार्यपद्धतीत अधिक स्पष्टता येणार असून नागरिकांना सेवा देताना एकसमान व पारदर्शक पद्धत अवलंबली जाणार असल्याचे संकेत मिळत आहेत.
