भारतीय वन सेवा (आयएफएस) मुख्य परीक्षा-२०२४ मध्ये उत्तीर्ण झालेल्या महाराष्ट्रातील उमेदवारांसाठी निःशुल्क अभिरूप मुलाखत कार्यक्रमाचे आयोजन

केंद्रीय लोकसेवा आयोगाच्या (यूपीएससी ) वतीने घेण्यात आलेल्या भारतीय वन सेवा (आयएफएस) मुख्य परीक्षा-२०२४ मध्ये उत्तीर्ण झालेल्या महाराष्ट्रातील उमेदवारांसाठी राज्य प्रशासकीय व्यवसाय शिक्षण संस्था, मुंबई येथे २ एप्रिल २०२५ पासून निःशुल्क अभिरूप मुलाखत कार्यक्रमाचे आयोजन करण्यात आले आहे. राज्यातील सर्व पात्र विद्यार्थ्यांनी या अभिरुप मुलाखत कार्यक्रमाचा लाभ घेण्यासाठी २८ मार्च २०२५ पर्यंत siac1915@gmail.com या ईमेलवर अर्ज, सविस्तर अर्ज प्रपत्र (डीएएफ) आणि रहिवासी प्रमाणपत्र पाठवावे. तसेच मुलाखत कार्यक्रम नोंदणीकरिता www.siac.org.in

या संकेतस्थळावरील सूचनेचे अवलोकन करावे. अधिक माहितीसाठी ०२२-२२०७०९४२ या दूरध्वनी क्रमांकावर संपर्क साधावा.