वैद्यकीय अभ्यासक्रमाच्या प्रवेशासाठी घेतली जाणारी नीट यूजी परीक्षा पेपर-पेन यांच्या सहाय्यानेच घेण्याचा अतिशय महत्वाचा निर्णय केंद्र सरकारने घेतला आहे. केंद्रीय आरोग्य तसेच शिक्षण खात्यांशी चर्चा केल्यानंतर गुरुवारी ही घोषणा करण्यात आली. ही परीक्षा पेपर- पेनच्या सहाय्याने की ऑनलाइन पद्धतीने घ्यावी या दोन पर्यायांवर सरकारने बारकाईने विचार केला अशी माहिती राष्ट्रीय टेस्टिंग एजन्सीने (एनटीए) दिली.
एनटीएने सांगितले की, नीट-यूजी परीक्षा एकाच दिवशी व एकाच शिफ्टमध्ये पेपर, पेनच्या सहाय्याने घेतली जाईल असा निर्णय राष्ट्रीय वैद्यकीय आयोगाने घेतला आहे. २०२४मध्ये नीट – यूजी परीक्षेस २४ लाख विद्यार्थी बसले होते.
सीबीआय कारवाईकडे लक्ष -यूजी व यूजीसी नेट या परीक्षांच्या प्रस्नपत्रिका फुटल्याचा आरोप असून त्या प्रकरणांची सध्या सीबीआयकडून चौकशी सुरू आहे. त्यामध्ये काय कारवाई होते याकडेही अनेकांचे लक्ष लागले आहे.