मातंग समाजाच्या विद्यार्थ्यांसाठी आर्थिक सहाय्य योजना जाहीर

महाराष्ट्र लोकसेवा आयोगाच्या ‘वनसेवा मुख्य परीक्षा-२०२४’ उत्तीर्ण झालेल्या अनुसूचित जातीच्या मातंग व त्यातील तत्सम उमेदवारांना मुलाखतीच्या तयारीसाठी अण्णा भाऊ साठे संशोधन व प्रशिक्षण संस्था (आर्टी) मार्फत १० हजार रुपये आर्थिक सहाय्य योजना जाहीर करण्यात आली आहे. या योजनेसाठी पात्र असलेल्या उमेदवारांना १० हजारांचे एकरकमी आर्थिक सहाय्य देण्यात येणार आहे. मुलाखतीसाठी पात्र झालेल्या उमेदवारांनी लाभ घेण्याचे आवाहन आर्टीचे व्यवस्थापकीय संचालक सुनील वारे यांनी केले आहे.

अधिक माहितीसाठी: उमेदवारांनी ‘आर्टी’च्या http:// https://arti.org.in या संकेतस्थळाला भेट देवून NOTICE BOARD या लिंकवर तपशील पहावा, तसेच अर्ज भरण्यासाठी https://forms.gle/BSh7vMVDNonGK4C18 या लिंकवर गुगल फार्म भरावा.