तुम्ही 2022-23 या आर्थिक वर्षात वेळेवर ITR भरला असेल आणि अद्याप परतावा मिळाला नसेल तर, तुमच्यासाठी आनंदवार्ता आहे. करदाते आता 4 वर्षांपर्यंत इन्कम टॅक्स रिटर्नमधील चुका दुरुस्त करू शकतील. याआधी टॅक्स निर्धारण वर्ष संपल्यानंतर केवळ 24 महिन्यांच्या आतच अपडेटेड रिटर्न भरले जाऊ शकत होते ज्यात आता दोन वर्षांनी मुदतवाढ देण्यात आली आहे.
केंद्रीय प्रत्यक्ष कर मंडळाने आयकर अपडेटेड रिटर्न फॉर्म ITR-U चा नवीन फॉर्म अधिसूचित केला आहे. नवीन नियम 1 एप्रिल 2025 पासून लागू करण्यात आले आहेत. प्राप्तिकर विभागाच्या या निर्णयामुळे ज्या करदात्यांची परतफेड अद्याप प्रलंबित आहे किंवा ज्यांचे ITR वेळेत प्रक्रिया होऊ शकले नाहीत अशा सर्व करदात्यांना दिलासा मिळाला आहे.
ज्या करदात्यांनी अद्याप ITR प्रक्रिया केलेली नाही त्यांना आता परतावा मिळण्याची शक्यता आहे आणि परताव्यावर दरमहा 0.5% दराने व्याज देखील मिळेल. टीडीएस आणि आगाऊ कराशी संबंधित परताव्यावर व्याज एप्रिल 2023 पासून मोजले जाईल तर, स्व-मूल्यांकन कराशी संबंधित परतावांवर व्याज ITR दाखल करण्याच्या तारखेपासून मिळेल.
या योजनेचा लाभ छाननीसाठी निवडलेल्या ITR दाखल करणाऱ्या करदात्यांना किंवा तांत्रिक किंवा वापरकर्त्याच्या चुकीमुळे अडकलेल्यांनाही मिळणार नाही. नवीन आदेशानुसार, कोणत्याही नवीन कर मागणीला परवानगी नाही कारण कायद्यानुसार अशी प्रक्रिया 31 मार्च 2025 नंतर संपुष्टात आणली जाईल पण, कर चुकवला असेल आणि अटी पूर्ण झाल्या असतील तर कलम 148 अंतर्गत चौकशी सुरू केली जाऊ शकते.