देशात ऑफबीट करिअर ऑप्शन्सचा ट्रेंड वाढला आहे. बहुतेक विद्यार्थी शाळा-कॉलेज संपताच कौशल्यावर आधारित नोकरी शोधू लागतात किंवा काही काम करतात ज्यात त्यांची आवड देखील समाविष्ट असते. जर तुम्हाला डिझायनिंगशी संबंधित कोर्स करायचा असेल पण फॅशन डिझायनिंग कोर्स, शू डिझायनिंग कोर्स किंवा इव्हेंट मॅनेजमेंट कोर्स व्यतिरिक्त काहीतरी करण्याच्या मूडमध्ये असाल, तर एक्झिबिशन डिझायनिंग हा एक चांगला पर्याय ठरू शकतो. आज आम्ही तुम्हाला एक्झिबिशन डिझायनिंगमधील काही कोर्सेस आणि करिअरच्या संधींबाबत सांगणार आहोत. चला तर मग जाणून घेऊया.
- देशातील सर्व लहान-मोठ्या शहरांमध्ये दर महिन्याला विविध प्रकारची प्रदर्शने आयोजित केली जातात. सणांच्या काळात ही प्रदर्शने वाढतात. आता त्यांच्यातही करिअरचे पर्याय उपलब्ध होऊ लागले आहेत. मोठे हॉटेल किंवा ब्रँड त्यांचे प्रदर्शन आयोजित करण्यासाठी प्रोजेक्ट्सच्या आधारावर तज्ञांना नियुक्त करतात. अशा तज्ज्ञांना मोठी सॅलरीही मिळते. त्यामुळे तुम्ही एक्झिबिशन डिझाईन कोर्स करू शकता.
नक्की काय असतं एक्झिबिशन डिझायनरचं काम?
आर्ट गॅलरी, मार्केट प्लेस, मेळे, एक्स्पो इत्यादी ठिकाणी भरवल्या जाणाऱ्या प्रदर्शनांची रचना करण्याचे काम एक्झिबिशन डिझायनर करतात. डिझायनरचे काम प्रदर्शनापूर्वी संघांशी नियोजन, बजेट आणि समन्वय साधणे असते. स्टॉल लावण्यापासून ते प्रदर्शनाच्या वेळेची निवड, प्रसिद्धी, कंपन्यांना निमंत्रण, पत्रकार परिषदा आयोजित करणे आदी जबाबदारीही प्रदर्शन व्यवस्थापनाची असते. क्लायंटच्या गरजा समजून घेतल्यानंतर, प्रदर्शन डिझायनर संगणक-सहाय्यित रेखाचित्रे आणि स्केल मॉडेल वापरून डिझाइन तयार करतो.
इथे मिळू शकेल नोकरी इव्हेंट मॅनेजमेंट कंपन्या आणि इंटिरियर डिझायनिंग कंपन्या एक्झिबिशन डिझायनर्सना रोजगाराच्या संधी देतात. यामध्ये त्यांना भरपूर पगार दिला जातो.
इतका मिळू शकतो पगार अनुभवी आणि सर्जनशील एक्झिबिशन डिझायनरला वार्षिक 10 लाख ते 15 लाख रुपये पगार मिळू शकतो. तसेच अनेक इंटिरियर डिझायनर्स आहेत जे स्वतःची खाजगी कंपनी चालवतात.